Првите Ecommerce Awards во организација на АЕТМ – препознавање на најдобрите во македонската е-трговија
Ecommerce Awards (Награди во е-трговијата) е иницијатива на Асоцијацијата за е-трговија на Македонија за препознавање на најдобрите во македонската е-трговија, организирана за прв пат во нашата држава!
Изборот за најдобрите во е-трговијата, од една страна ќе ги препознае и награди најдобрите, ќе придонесе за промоција на е-трговијата и подигнување на свеста за нејзиниот потенцијал, а од друга страна ќе придонесе за зајакнување на конкурентноста и охрабрување и мотивирање на е-трговците за подобрување и унапредување на нивното работење.
Најдобрите е-трговци ќе се одбираат од страна на јавноста и од стручна жири комисија во 18 категории поделени во три секции: Шампиони во е-трговија, Најдобри е-трговци во одбрани аспекти на онлајн продавање и Најдобри е-продавници по сектори.
Првите Ecommerce Awards ќе бидат спроведени во неколку фази. Процесот ќе започне со номинации и собирање апликации од е-трговци, по што ќе следи објава на номинираните компании. Следните фази ќе вклучуваат гласање од јавноста, како и гласање од стручна жири комисија. Последната фаза ќе биде прогласување на победниците проследено со свечен настан кој ќе се одржи во март 2022 година.
Иницијативата “E-commerce Awards” е поддржана од Мастеркард како генерален партнер и од Германското друштво за меѓународна соработка GIZ како главен поддржувач, а дополнително заинтересираните компании кои сакаат да придонесат во организацијата на оваа иницијатива ќе имаат можност да се вклучат како поддржувачи.
Aсоцијацијата за е-трговија на Македонија е првата и единствена асоцијација која цели кон инклузивна е-трговија. Нашата мисија е да создадеме иднина за развој и успех на е-трговијата во земјата. Асоцијацијата има за цел да ги поддржи интересите на компаниите за е-трговија како и сите засегнати компании и организации, да придонесе кон знаењето за е-трговија и негово прошиурување вклучувајќи ги поврзаните услуги и технологии и да ги намали и елиминира бариерите кои го ограничуваат растот и развојот на индустријата. Веруваме дека иднината за подобра Македонија лежи во дигитализација на земјата и паметно општество, а е-трговијата е интегрален дел од таквото општество.
